ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានជំរុញដល់រដ្ឋបាលថ្នាក់ជាតិនិងក្រោមជាតិធ្វើយ៉ាងណាឲ្យមានស្តង់ដារតែមួយនៃប្រព័ន្ធអប់រំនិងសុខាភិបាលបម្រើដល់ប្រជាពលរដ្ឋ។
សម្ដេចថ្លែងនៅក្នុងពិធីបិទសន្និបាតត្រួតពិនិត្យលទ្ធផលការងារឆ្នាំ២០២៣ របស់ក្រសួងមហាផ្ទៃនៅរសៀលថ្ងៃទី២៩ ខែកុម្ភៈ ឆ្នាំ២០២៤ ដោយជំរុញឲ្យមានការពង្រឹងនៅការផ្ដល់សេវាអប់រំនិងសុខាភិបាលឲ្យមានគុណភាពទៅដល់ប្រជាពលរដ្ឋគ្រប់រូបធានាយ៉ាងណាសេវាទាំងពីរនេះធ្វើឲ្យពលរដ្ឋទុកចិត្តបាន និងធានាថាប្រព័ន្ធទាំងអស់នេះធ្វើឲ្យធនធានមនុស្សនៅកម្ពុជាកាន់តែមានភាពស្វាហាប់និងរឹងមាំ។
ជាមួយគ្នានេះសម្ដេចក៏ជំរុញឲ្យមានការធ្វើវិមជ្ឈការថ្នាក់ជាតិទៅក្រោមជាតិក្នុងការអនុញ្ញាតអោយថ្នាក់ក្រោមជាតិមានសិទ្ធិជ្រើសរើសនូវនាយកសាលាមត្តេយ្យ សាលាបឋមសិក្សា អនុវិទ្យាល័យ និងវិទ្យាល័យបានផងដែរ៕
ព័ត៌មានជាច្រើនទៀតសម្រាប់អ្នក
